Սյունիքի մարզի Գորիս համայնքի ղեկավար Առուշ Առուշանյանի պատիժն ազատազրկմամբ փոխարինելու հարցով նոր քննություն կիրականացվի հակակոռուպցիոն դատարանում։ Որոշումը տեղադրված է ՀՀ Վճռաբեկ դատարանի ֆեյսբուքյան էջում։
«Վճռաբեկ դատարանը որոշել է բեկանել Առուշ Առուշանյանի պատիժն ազատազրկմամբ փոխարինելու որոշման դեմ բողոքները մասնակի բավարարելու և դրանց արդյունքում նրա նկատմամբ ընտրված ազատազրկումը 3 ամսով ծանրացնելու վերաքննիչ դատարանի որոշումը և գործն ուղարկել հակակոռուպցիոն դատարան՝ նոր քննության»,- նշված է փաստաթղթում։
Վճռաբեկ դատարանն արձանագրել է, որ խախտվել է ընդդատությունը, և կոնկրետ դեպքում ազատությունից զրկելու հետ չկապված պատիժն ազատազրկմամբ փոխարինելու որոշում կայացնելու հարցը պետք է լուծի մասնագիտացված՝ հակակոռուպցիոն դատարանը։
