Զանգեզուրի պղնձամոլիբդենային կոմբինատը հանդես է գալիս CaseKey Academy 2026-ի Կրթական և ազդեցության գործընկեր։ Այս մասին տեղեկանում ենք CaseKey ակադեմիայի ֆեյսբուքյան պաշտոնական էջից։
«Ուրախ ենք այս համագործակցության համար, որի շնորհիվ այս ամառ Հայաստանը կհյուրընկալի միջազգային փորձառու թիմերի և փորձագետների՝ աշխարհի առաջատար բիզնես դպրոցներից։
ԶՊՄԿ-ի ներգրավվածությունը թույլ է տալիս CaseKey Academy-ում ապահովել նաև ոլորտային խորացված ուղղություն՝ կենտրոնացած հանքարդյունաբերության վրա։ Մասնակիցները հնարավորություն կունենան ավելի լավ հասկանալու, թե ինչպես է աշխատում այս կարևոր ոլորտը՝ իրական բիզնես գործընթացների, խնդիրների և մոտեցումների միջոցով։
Միասին ձևավորում ենք ավելի կիրառական, միջազգային և ազդեցիկ կրթական միջավայր», – ասված է հաղորդագրությունում։
