Նոր Զելանդիայում քամիների հետեւանքով դպրոցներ են փակվել

Նոր Զելանդիայի մայրաքաղաք Ուելինգթոնը ենթարկվել է վերջին տասնամյակի ամենաուժեղ քամիներին, ինչի հետևանքով դպրոցները փակվել են, իսկ թռիչքները՝ չեղարկվել։ Միաժամանակ երկրի հարավային հատվածում, ներառյալ Քրայսթչըրչ քաղաքը, հայտարարվել է արտակարգ դրություն՝ 24 ժամ տևած ուժգին անձրևներից հետո։

Ուելինգթոնում քամու միջին արագությունը հասել է մինչև 87 կմ/ժ (54 մղոն/ժ), ինչը ամենաբարձրն է 2013 թվականից ի վեր։ Քաղաքում հայտարարվել է ամենաբարձր մակարդակի կարմիր նախազգուշացում:

Տեղական իշխանությունները քաղաքացիներին հորդորել են մնալ փակ տարածքներում։