Դիեգո Մարադոնայի «Ոսկե գնդակը», որը Արգենտինայի հավաքականի նախկին հարձակվողը ստացել է 1986 թվականի աշխարհի առաջնությունում, աճուրդի կհանվի, հայտնում է Aguttes աճուրդի տան մամուլի ծառայությունը։
Աճուրդը կկայանա հունիսի 6-ին Ֆրանսիայում։
2022 թվականին գնդակը, որով Մարադոնան ձեռքով խփեց լեգենդար գոլը Անգլիայի դեմ 1986 թվականի աշխարհի առաջնության քառորդ եզրափակիչում, աճուրդում վաճառվել էր 2 միլիոն ֆունտով։ Նույն տարի Մարադոնայի մարզաշապիկը, որով արգենտինացին խփել էր այդ գոլը, աճուրդում վաճառվել էր 9,28 միլիոն դոլարով։
