Մեծ Բրիտանիայի թագավոր Չարլզ III-ը քաղցկեղի բուժում անցնելուց հետո, վերադարձել է պետական պարտականությունների կատարմանը։
Այս մասին ասված է պետության ղեկավարի գրասենյակի տարածած հաղորդագրության մեջ։
Չարլզ III-ը և նրա կինը՝ թագուհի Կամիլլան, այցելել են Լոնդոնի համալսարանական քոլեջի հիվանդանոցի Macmillan Cancer Center-ը, որտեղ հանդիպել են հիվանդների և անձնակազմի հետ:
Հունվարի 26-ին Չարլզ III-ը սովորական վիրահատության է ենթարկվել՝ շագանակագեղձի մեծացման պատճառով։ Այս ընթացքում Նորին Մեծության մոտ քաղցկեղ է ախտորոշվել, ինչի մասին Բուքինգհեմյան պալատը հայտարարեց փետրվարի սկզբին։
