Բացառել թերություններով սուբվենցիոն ծրագրերի ընդունումը․ Սանոսյան

Սանոսյանը հերթական անգամ հանձնարարել է բացառել թերություններով ծրագրերի ընդունումն ու վճարումը։

ՀՀ տարածքային կառավարման և ենթակառուցվածքների նախարար Գնել Սանոսյանն անցկացրել է հերթական գործակարգավարական խորհրդակցությունը։ Տեղեկությունը հայտնում են նախարարությունից։

Խորհրդակցության ժամանակ նախ քննարկվել է նախորդ գործակարգավարականների ժամանակ տրված հանձնարարականների կատարման ընթացքը։ Նախարարը հետաքրքրվել է գարնանային ոռոգման սեզոնի մեկնարկին ընդառաջ ՋՕԸ-ների կողմից իրականացվող աշխատանքով։ Նախարարին զեկուցվել է, որ աշխատանքներն իրականացվում են գրաֆիկով սահմանված կարգով։

Այնուհետև քննարկվել է սուբվենցիոն ծրագրերի մշտադիտարկման ընթացքի վերաբերյալ հարցեր։ Սանոսյանը հերթական անգամ հանձնարարել է բացառել թերություններով ծրագրերի ընդունումն ու վճարումը։

Նախարարին է զեկուցվել նաև ՏԿԵՆ և նախարարությանը ենթակա մարմինների ունեցած տեղեկատվությունը Կադաստրի կոմիտեի կողմից ազգային գեոպորտալ ինտեգրելու, ինչպես նաև դեռևս հավաքագրման ենթակա տեղեկատվության հավաքագրման վերաբերյալ հարցեր։

Նախարարի կողմից տրվել են մի շարք նոր հանձնարարականներ։