Աննայի որոշմանը վերաբերվում եմ հարգանքով։ Այս մասին սոցցանցի իր էջում գրել է վարչապետ Նիկոլ Փաշինյանը՝ անդրադառնալով իրենց ամուսնության ավարտի վերաբերյալ Աննա Հակոբյանի հայտարարությանը։
«Վերջին 30 տարում իմ բոլոր դժվարին օրերին նա եղել է իմ կողքին, եղել է իմ ապավենն ու հենարանը։ Վստահ չեմ, թե ես նրա համար եղել եմ այդպիսին։
Թերևս ավելի շատ դառնություն եմ պատճառել, ինչի համար ներողություն եմ խնդրում»,- գրել է նա։
Ավելի վաղ Աննա Հակոբյանը տեսանյութ էր հրապարակել՝ տեղեկացնելով, որ լքում է Կառավարական առանձնատունը։
