Ճապոնիայում վերագործարկվելու է աշխարհի ամենամեծ ատոմակայանը

Ճապոնիայի Կաշիվազակի-Կարիվա ատոմակայանը, որը աշխարհի ամենամեծ ատոմակայանն է, պատրաստվում է արդիականացումից հետո վերսկսել աշխատանքը, հաղորդում է Reuters-ը։

Նիիգատա պրեֆեկտուրայի նահանգապետ Հիդեյո Հանաձումին իր համաձայնությունն է տվել ԱԷԿ-ի վերագործարկմանը՝ անվտանգության բազմամյա ստուգումներից և պաշտպանիչ մեխանիզմների բարելավումից հետո: Նա հայտարարել է, որ ձեռնարկված անվտանգության միջոցառումները համապատասխանում են ամենախիստ չափանիշներին և օբյեկտի շահագործումն անհրաժեշտ է տարածաշրջանի կայուն զարգացման համար:

«Tokyo Electric Power Company»-ն այժմ ավարտում է ատոմակայանի վերագործարկման նախապատրաստական ​​աշխատանքների վերջին փուլերը։

Կաշիվազակի-Կարիվա ատոմակայանի գործունեությունը լիովին դադարեցվել է 2011 թվականին՝ «Ֆուկուսիմա Դաիչի» ատոմակայանում տեղի ունեցած վթարից հետո։