ՌԴ ԱԳՆ խոսնակ Մարիա Զախարովան անդրադարձել է Սյունիքի մարզում ՌԴ գլխավոր հյուպատոսության բացմանը։
«Մենք համոզված ենք, որ Հայաստանի համար ռազմավարական կարևորություն ունեցող հարավային մարզում ՌԴ ներկայության հետևողական ընդլայնումը համապատասխանում է ինչպես Հայաստանի, այնպես էլ Ռուսաստանի և, ընդհանրապես, ողջ տարածաշրջանի երկարաժամկետ շահերին», – ասել է նա։
Զախարովայի խոսքով՝ հարցը քննարկվել է Հայաստանի և Ռուսաստանի արտգործնախարարների հանդիպման, ինչպես նաև քաղաքական խորհրդակցությունների ընթացքում։ Նա նշել է, որ մայիսին արդեն հստակություն կլինի հյուպատոսության բացման ժամկետների վերաբերյալ։
