Ակնկալվում է, որ պատվիրակության ներկայացուցիչները հանդիպումներ կունենան Գորիսում:
Հայաստանի ՄԱԿ-ի գրասենյակի ներկայացուցիչներն այցելել են Կոռնիձորի սահմանային հատված, որտեղ գտնվում է Արցախի համար նախատեսված մարդասիրական բեռը:
ՄԱԿ–ի Պարենի համաշխարհային ծրագրի տնօրեն Նաննա Սկաուին ներկայացվել է տիրող իրավիճակը, ինչպես նաև Արցախի հումանիտար ճգնաժամը։
Հայաստանի ներկայացուցիչները հույս են հայտնել, որ Լաչինի միջանցքը կբացվի միջազգային ճնշումների արդյունքում։
Ճեպազրույցի ժամանակ Սկաուն կարդաց ՄԱԿ-ի գլխավոր քարտուղարի պաշտոնական ներկայացուցչի տեղակալ Ֆարհան Հաքի հայտարարությունը՝ հույս հայտնելով, որ այն դրական արդյունք կբերի։
Ակնկալվում է, որ պատվիրակության ներկայացուցիչները հանդիպումներ կունենան Գորիսում:
Ավելի վաղ ՄԱԿ-ի գլխավոր քարտուղար Անտոնիու Գուտերեշը մտահոգություն է հայտնել Լաչինի միջանցքով տեղաշարժի ազատության առնչությամբ և հումանիտար իրավիճակի վատթարացմամբ, կոչ արել հրատապ միջոցներ կիրառել՝ ապահովելու կարիքավորներին հումանիտար օգնության մատակարարման հասանելիությունը:
