«Չկա մի երկիր, որ կարող է առաջընթաց ապրել առանց զարգացած գյուղատնտեսության, իսկ Սյունիքի մարզում այն նաև պարենային անվտանգության տեսանկյունից շատ կարևոր գործոն է», – հենց այս տրամաբանության մեջ օրերս Սյունիքի մարզպետարանը Գորիսում անցկացրեց «Միասին Սյունիքի համար գյուղատնտեսություն» աշխատաժողովը։ Մեկտեղենք ուժերը մարզում կուտակված բազմաթիվ գյուղատնտեսական խնդիրները լուծելու համար, որոնք զգալիորեն ավելացել են պատերազմից հետո 420 կմ սահման ունեցող Սյունիքում․ սա է նախաձեռնության հիմնական նպատակը։
