Կանադայի վարչապետ Մարկ Քարնին հայտարարել է, որ Կանադան աջակցում է Իրանի դեմ ԱՄՆ-ի ռազմական գործողություններին։
Ինչպես հաղորդում է «Արմենպրես»-ը, այդ մասին հայտնել է Կանադայի վարչապետի գրասենյակը։
«Կանադան աջակցում է Միացյալ Նահանգների գործողություններին՝ Իրանի կողմից միջուկային զենքի ձեռքբերումը կանխելու և նրա ռեժիմի կողմից միջազգային խաղաղությանն ու անվտանգությանը հետագա սպառնալիքի կանխարգելման համար։
Մենք կձեռնարկենք բոլոր հնարավոր միջոցները՝ մեր քաղաքացիներին և կանադական դիվանագիտական առաքելություններին ամբողջ տարածաշրջանում պաշտպանելու համար»,- ասել է Կանադայի վարչապետը։
