ՆԱՏՕ-ի գլխավոր քարտուղար Մարկ Ռյուտեն հայտարարել է, որ Հյուսիսատլանտյան դաշինքում մտահոգված են Վրաստանի զարգացումներով և այդ մասին տեղեկացրել են վրացական կողմին։
Նա նշել է, որ եվրատլանտյան տարածքում ցանկացած երկիր, որը ցանկանում է դառնալ ՆԱՏՕ-ի անդամ, կարող է հայտարարել իր ցանկության մասին, ապա անցնել սահմանված գործընթաց։
Գլխավոր քարտուղարը հավելել է, որ Վրաստանը պետք է դիտարկել ամբողջ Հարավային Կովկասի տարածաշրջանի համատեքստում:
«Եկեք այդ ամենին ամբողջական նայենք. Վրաստանին զուգահեռ՝ տեսնում ենք, թե ինչ է կատարվում Հայաստանի և Ադրբեջանի միջև: Այստեղ, կարծես, իրավիճակը շատ ավելի լավ է, այդ թվում՝ շնորհիվ նախագահ Թրամփի»,- ասել է Ռյուտեն։
