Հոկտեմբերի14-ին, կրակոցներ են հնչել Լոռու մարզի Սպիտակ քաղաքում։
Ինչպես տեղից հայտնում է ֆոտոլրագրող Գագիկ Շամշյանը, ժամը 20:30-ի սահմաններում ՀՀ ներքին գործերի նախարարության համայնքային ոստիկանության գլխավոր վարչության Սպիտակի բաժնում հերթական օպերատիվ տեղեկություններն են ստացվել, որ Սպիտակ քաղաքի Այգեստան փողոցի 5-րդ նրբանցքի 48 տան մոտ մի խումբ անձանց միջև վիճաբանություն է տեղի ունեցել, որի ժամանակ հնչել են կրակոցներ:
Դեպքի վայր են ժամանել քրեական ոստիկանության գլխավոր վարչության, նույն գլխավոր վարչության Լոռու մարզի քրեական վարչության և համայնքային ոստիկանության գլխավոր վարչության Սպիտակի բաժնի օպերատիվ խմբերը:
Ֆոտոլրագրողի տեղեկություններով՝ վիճաբանությունը, ծեծկռտուքը և կրակցները տեղի են ունեցել Ազգային ժողովի նախկին պատգամավոր, Հանրապետական կուսակցության անդամ, հայտնի գործարար Արկադի Համբարձումյանի՝ հանրությանը հայտնի «Դերժավայի Արկադիի» տան մոտ:
Ոստիկանությունը խուլիգանություն կատարելու կասկածանքով ձերբակալել է 11 հոգու, որոնց մեջ են «Դերժավայի Արկադին» ու իր որդին:
Դեպքի փաստով ՀՀ քննչական կոմիտեի Լոռու մարզային քննչական վարչության Սպիտակի քննչական բաժնում նախաձեռնվել է քրեական վարույթ:
Ֆոտոլրագրողը հայտնում է, որ քրեական ու համայնքային ոստիկաններն ու քննիչները պարզում են, արդյոք վիճաաբնության, ծեծկռտուքի և կրակոցների հետևանքով տուժած կամ տուժածներ կան, հիվանդանոցային ահզանգեր եղել են, թե ոչ:
Գ. Շամշյանի տեղեկություններով՝ պարզվել է, որ կռվի մասնացիներն են եղել Սպիտակի բնակիչ Երևանի բնակիչ 35-ամյա Նարեկ Հարությունյանը, Սպիտակ քաղաքի բնակիչ 36-ամյա Մուշեղ Սիմոնյանը, Երևանի բնակիչ 33-ամյա Հակոբ Խրիմյանը, Երևանի բնակիչ 42-ամյա Վահան Սահակյանը, Երևանի բնակիչ 30-ամյա Էրիկ Հարությունյանը, Երևանի բնակիչ 27-ամյա Ստեփան Ստեփանյանը, Երևանի բնակիչ 29-ամյա Ստանիսլավ Համբարձումյանը, ով «Դերժավայի Արկադիի» տղան է, Երևանի բնակիչ 49-ամյա Անդրանիկ Մաշկարյանը, Կոտայքի մարզի բնակիչ 44-ամյա Գևորգ Խաչոյանը և Երևանի բնակիչ 37-ամյա Նարեկ Լավչյանը:
Դեպքի վայրում հայտնաբերվել են ատրճանակի կրակված մի քանի պարկուճներ:
Նախաքննության շահերից ելնելով՝ այս պահին որոշ մանրամասներ չենք հրապարակում:
